Nýr vefur Eimskips markar ný viðmið í hleðsluhraða

Leiðarkerfi var einfaldað þar sem lögð var áhersla á að draga betur og skýrar fram fjölbreyttar þjónustuleiðir, sem áður voru lítt sýnilegar á undirsíðum. Sjálfsafgreiðsla viðskiptavina var einnig auðvelduð með betra flæði og endurhönnun reiknivéla. 

Þá var fjárfestahluti vefsins einnig endurhannaður með það í huga að auðvelda aðgengi að lykilupplýsingum um rekstur samstæðunnar.

Sérfræðingar Vettvangs hafa undanfarið unnið að því að endurhanna kóðagrunn fyrir öll verkefni til að bæta gæði og skipulag kóðans. Sú vinna hefur einnig skilað sér í stórauknum vinnsluhraða veflausna okkar. 

Veflausn Eimskips var nýtt sem pilot-verkefni fyrir þessa þróunarvinnu og er óhætt að fullyrða að nýjum viðmiðum hafi verið náð hvað varðar vinnsluhraða.

Sem dæmi má nefna að hleðsluhraði síðna Eimkips sem hýstar eru á Azure er 0.136 sekúndur (með „cache“) en meðatalshleðsluhraði vefsíðna er um 3,2 sekúndur.

Í samræmi við umfangsmikinn rekstur Eimskip samstæðunnar er kerfisreksturinn flókinn. Í tengslum við nýja uppfærslu á vef fyrirtæksins var tekin ákvörðun um að endurskipuleggja, einfalda og nútímavæða kerfisreksturinn og færa allar veflausnir í sameiginlegt Azure umhverfi.

Þann þátt verkefnisins annaðist Well Advised, systurfyrirtæki Vettvangs. 

Þessi uppfærsla var töluvert umfangsmikil og flókin en fólst hún meðal annars í eftirfarandi verkþáttum:

• Teikna og setja upp nútímalegt, samræmt hýsingarumhverfi í Azure fyrir allar lausnir Eimskip samstæðunnar
• Setja upp þjónustur, skilgreina afritunarreglur og yfirfara áskriftir til að lækka kostnað
• Fara yfir og samræma allar öryggisstillingar
• Setja upp DevOps þróunarferla til að auðvelda framtíðarþróun lausna