Endurmörkun útfærð fyrir stafrænar lausnir
Nýr vefur Heima er liður í endurmörkun fyrirtækisins og styrkir það um leið sem leiðandi fasteignafélag á Íslandi með skýrum áherslum á sjálfbærni og bættu umhverfi fyrir íbúa jafnt sem fyrirtæki. Vefurinn var unninn samkvæmt nýrri markaðsstefnu Heima og nýrri útlitsmörkun frá Brandenburg.
Ég get ekki mælt meira með þjónustu Vettvangs en teymið þeirra er skipað frábæru fólki sem reyndist okkur vel þegar við vorum í endurmörkunarferli og vorum að búa til nýjan vef sem var hannaður frá grunni hjá þeim. Öll samskipti eru hröð og góð og alltaf er fyrirspurnum og þjónustubeiðnum svarað með jákvæðni og þjónustulund.
Vefurinn er hlaðinn gæðamyndum og kvikri grafík sem tekur mið af nýrri útlitsmörkun Heima. Þjónustuvefur viðskiptavina var einnig endurhannaður með uppfærðu viðmóti og nýju útliti.
Viðmót var endurskipulagt og endurhannað frá grunni, þar sem áhersla var lögð á einfaldara og þægilegra aðgengi fyrir notandann. Valmynd fylgir notanda alla leið sem gerir honum kleift að finna fljótt viðeigandi efni.
